Dr. Rainer Deville, Gjyqtar pranë Gjykatës së Lartë të Apelit (Oberlandesgericht) në Gjermani, është Shefi i Misionit EURALIUS. Ai është emëruar gjyqtar në vitin 1989. Gjyqtari Dr.
Në këtë pjesë të Dokumentit Analitik skanohet një nga problemet më të mprehta në sistemin e drejtësisë në Shqipëri luftën kundër fenomenit të korrupsionit. Marrëdhënia midis sistemit të drejtësisë dhe fenomenit të korrupsionit në shoqëri është e dyfishtë: nga njëra anë, sistemi i drejtësisë është subjekti ose mjeti i vetëm në luftën penale kundër korrupsionit; nga ana tjetër, sistemi i drejtësisë është vetë objekt i korrupsionit. Në Dokumentin Analitik zenë vend çështje mbi rregullimet përkatëse ligjore dhe rezultatet e punës së sistemit, duke evidentuar problemet që kërkojnë zgjidhje. Faktori kryesor që ndikon në suksesin e luftës ndaj korrupsionit është integriteti dhe ndershmëria e vetë zyrtarëve të sistemit të drejtësisë, por dhe faktorë të tjerë që lidhen me cilësinë e parashikimeve të veprave penale të korrupsionit në Kodin Penal; cilësinë e procedurave të punës së prokurorëve dhe gjyqtarëve në hetimin dhe gjykimin e korrupsionit; ndarjen e qartë të përgjegjësive midis aktorëve të ndryshëm në hetimin dhe gjykimin e korrupsionit; përshtatshmërinë e burimeve financiare, materiale dhe njerëzore në dispozicion të prokurorisë dhe gjyqësorit etj.
